O contròllo ciù sencio o l'é un interruttô ch'o connette o motô à l'alimentaçion, comme inti piccin elettrodomestichi ò inti attressi elettrichi. L'interruttô o peu ëse açionou à man ò automaticamente avviou ò fermou pe mezo de relè ò contattoî collegæ à di sensoî. L’interruttô o peu avei de poxiçioin despæge che se peuan seleçionâ, che permettan a-o motô de connettise à l’alimentaçion inte de mainee despæge, comme redue a tenscion de partensa, inversâ l’operaçion ò seleçionâ de speditesse despæge. I contròlloî piccin peuan omette di dispoxitivi de proteçion contra o sorvecarrego e a sorvecorrente, con fâ confiansa in sce di circuiti de proteçion contra sorvecorrente esterni pe prevegnî unna corrente eccesciva. Çerti motoî piccin an integrou unna proteçion contra o sorvecarrego ch’a l’arve automaticamente o çircuito pe prevegnî o sorvecarrego. I motoî ciù grendi an di relè de sorvecarrego ò di relè de sensaçion de temperatua-, coscì comme di fuxi ò di interruttoî de çircuito azzonti a-o contròllo pe prevegnî a sorvecorrente. I contròlloî automatichi do motô peuan comprende ascì di interruttoî de fin ò di atri appægi pe proteze a machina.
I contròlloî de motô ciù complesci peuan controllâ con esattessa a lestixe e a torsion do motô e peuan ascì fâ parte de un scistema de contròllo à çiclo serrou-pe controllâ a poxiçion mecanica.
